யேசுவை அன்றி

யேசுவை அன்றி வேறொரு ரட்சகர் காசினி தனிலுண்டோ, மனமே? - அவர் நேசமறிந்து விசுவாசம் இல்லாமலே, மோசம் போவதேன், மனமே?

1.ஆதம் ஏவை செய்த பாதகம் தொலைந்திடப் பூதலம் வந்ததார், மனமே? - கொடும் யூதர்களால் பல வாதைகள் கொண்டு திவ்ய போதகம் செய்ததார், மனமே? - யேசு

2.இந்த வாழ்வு கன நிந்தை என்றுனது சிந்தை தெளிந்திருந்தும், மனமே - ஐயோ! பந்த பாசமதில் நொந்து நாள் தோறும் அலைந்து திரிவதேன், மனமே? - யேசு

3.பூதல மீதினில் ஓதரி தாம் பரஞ் சோதியைப் போற்றிசெய் மனமே; - செய்தால், பாதகம் போய் மோட்ச சாதகம் ஆமென்று வேதமுரைக்கு தல்லோ மனமே? - யேசு