அடைக்கலம் ஆண்டவரே

அடைக்கலம் ஆண்டவரே - எங்கள் அடைக்கலம் வேறில்லையே - எம்மை படைத்துக் காத்து மீட்டுக் கொண்டவர் பரம பிதா நீரே

பரம சுதந்திரமே, எங்கள் பாத்திரத்தின் பாகமே - உன்றன் கரமே அருளும் வரமே கர்த்தாநின் கிருபையின் மாசெல்வமே

ஆலோசனைக் கர்த்தரே எங்கள் ஆவியான தூயரே - இந்த பூலோகத்தில் போதம் அளித்திடும் புனித சகாயர் நீரே

ஆறுதல் அளிப்பவரே உம்மை அண்டிப்பிழைப்போர் எமை - சதா ஆற்றித் தேற்றி மாற்றி ஆட்கொண்டவர் மாறாத பூரணரே

ஆனந்தம் ஆண்டவரே, அருளானந்தப் பேரின்பமே - சன்னி தானமதிலே அழகாய் விளங்குமாப் பூரண ஆனந்தமே