தந்தை சருவேஸ்பரனே

தந்தை சருவேஸ்பரனே உந்தன் மகன்யேசுவுக்காய் எந்தன்முகம் பார்த்திரங்குவாயே இம் மாத்திரம் நீயே எந்தன் முகம் பார்த்திரங்குவாயே

1.அந்தமதிலா அகாரி சந்ததமுமே விசாரி விந்தையருள் மேவும் அசரீரி மெய்ஞான வாரி - தந்தை

2. ஞானபரனே யொருத்துவ மான முதலே திரித்துவ மேன்மை வடி வான மகத்துவம் மேலான தத்துவம் - தந்தை

3. விற்பன விவேகநூலா அற்புதம தானசீலா நற்பரம லோக அனு கூலா நன்மைக் கிருபாலா -தந்தை

4. ஆதிமுதலான நேசா, வேதமறை மீதுலாசா பேதகமில்லாத சத்தியவாசா, ஞானப்பிரகாசா - தந்தை

5. வந்த வினை யாவுந் தீரும் நிந்தை யணுகாமல் காரும் சிந்தை மகிழ்ந்தே கண்ணாலே பாரும் சீர் பாதந் தாரும் - தந்தை

6. ஏட்டுத் திரளாகக் கூட்டி நீட்டுப் புகழாகத் தீட்டிப் பாட்டுச் சொல்லும் வேதநாயகன் கொண்டாட்டுக் கிட்டு - தந்தை