சாரோனின் ரோஜாவே என் லீலி

சாரோனின் ரோஜாவே என் லீலி புஷ்பமே மருதோன்றிப் பூங்கொத்தே என் மணவாளரே-2 உம் கரம் பிடிக்க காத்திருக்கும் கன்னிகை நானே என் மனமகிழ்ச்சியாயிருக்கும் நேசர் நீர்தானே-2

கண்ணே மணியே என்று கைகளில் அள்ளிக்கொண்டு ரூபவதியே என்று சேர்த்தணைத்தாரே என் எல்லா குறைகளையும் தீர்த்து வைத்தாரே-2 நான் மணவாளன் இயேசுவுக்கு சொந்தமல்லவோ அவர் எனையாளும் ராஜாதி ராஜனல்லவோ-2

அன்பின் சிறைகளுக்குள் கட்டி இழுத்துக்கொண்டு உள்ளம் கவர்ந்து எந்தன் கரம் பிடித்தாரே என்னை உள்ளங்கையில் வரைந்து குரல் கொடுத்தாரே-2 என் பெயர் சொல்லி அழைத்திருக்கும் நேசரல்லவோ நான் அவர்க்குள்ளே பிழைத்திருக்கும் தாசனல்லவோ-2

கற்புள்ள கன்னிகையாய் ஒப்புக்கொடுக்கப் பட்டேன் காலம் வரும் வரைக்கும் காத்திருப்பேனே இயேசு காட்சி கொடுக்கும் வரை பார்த்திருப்பேனே-2 என் இதய சிங்காசனத்தில் இயேசு ராஜாவே பொன் உதய விடியலைப் போல் வீற்றிருப்பாரே-2

ஆத்தும நேசர் அவர் ஆலய தேவன் அவர் இயேசு என்னும் இனிய நாமம் உள்ளவர் என் எல்லா எல்லைகளிலும் நிறைந்திருப்பவர்-2 என்னைப் பரலோகம் கொண்டு செல்லும் வழியானவர் இந்தப் பரதேசிக்காக அன்று பழியானவர்-2