பாவி இன்றே

பாவி, இன்றே திரும்பாயோ? - நேச ஆவியின் சத்தம் கேளாயோ?

மேவி தயை நிரம்பி ஏவி உனை விரும்பிக் கூவி அழைக்கையிலே தாவி யேசுவை நோக்கி - பாவி

1.பாவம் தொடர்ந்து செல்லுமே; - பாவ சாபம் அடர்ந்து கொல்லுமே; - உனின்ப லாபம் எல்லாமே சாபம்; காலமிதுவே காலம்; தாபம் உளவுன் யேசு மா பரிதாபம் கண்டு - பாவி

2.எத்தனை போதனை பெற்றாய் - ஐயையோ! சுத்தமாய்ச் சாதனை அற்றாய், - என்றாலும் அத்தனை பாவத்தையும் முற்றுமாக வெறுத்து, அத்தனே, தத்தம் செய்தேன், நித்தமும் காவுமென்று - பாவி

3.கல்வாரியில் தொங்கினோர் யார்? - உனக் கல்லோ நேசர் ஏங்கினோர் பார்! - இன்னும் பொல்லா மனதுடனே கல்போல் கடினமாகிச் செல்வோரையும் நிந்தித்து எல்லாக் கேட்டுக்குள்ளான - பாவி

4.நிலை யின்றலை கின்றோரே - ரத்த விலை மதியாமல் சென்றோரே, - போதும்; மலையாமல் யேசுவிடம் தொலையாத கவலை சொல்லி, உலையா நம்பிக்கை வைத்து நிலையான ரட்சைபெற - பாவி