பாவம் போக்கும் ஜீவநதியை

பாவம் போக்கும் ஜீவநதியைப் பாரீர், வந்து பாரீர் - பாரில்!

தீவினை தீர்க்கும் தேவமறியின் திருரத்த மிந்த ஆறாம், - பாரில்! - பாவம்

1.கல்வாரி மலைச்சிகர மீதூற்றுக் கண்கள் ஐந்து திறந்தே; - அதோ! மல்கிச் சிலுவை யடியில் விழுந்து வழிந்தோடுவது பாரீர், - பாரில்! - பாவம்

2.பாவச்சுமையால் நொந்து சோர்ந்து பதறி விழுந் தலறி - நிதம் கூவியழுத அனந்தம் பேரிதில் குளித்தே யுளங் களித்தார், - பாரில்! - பாவம்

3.பத்தருளத்தி லிடைவிடாமல் பாய்ந்து வளமீந்து - அதை நித்தமும் பரிசுத்த குணத்தில் நிலைநாட்டுது பாரீர், - பாரில்! - பாவம்

4.ஒருமுறை இந்த நதியின் தீர்த்தம் உண்டோர் ஜீவன் கண்டோர், - தாகம் அறுதி யடைவர்; வேறொருநதிக் கலையார், தேடி யலையார், - பாரில்! - பாவம்

5.நித்தியந்தனில் கலந்துறையுஞ் செந் நீரார் நதியிதிலே - தங்கள் வஸ்திரந் தோய்த்த சுத்தர் சபையில் வாழ்ந்துகீதம் பாட, - பாரீல்! - பாவம்