பார்வையில்லா குருடனாய்

பார்வையில்லா குருடனாய் பாரினில் வாழ்கிறேன் பாதை தெரியா அறியேன் நான் பாதையில் வதைகிறேன் - 2

1. ஒளி என்றும் என் வாழ்வில் வந்ததில்லை மகிழ்வு என்றும் என் வாழ்வில் கண்டதில்லை - 2 ஒளி என்று என் வாழ்வில் வந்திடுவாரோ மகிழ்வு வென்று என் வாழ்வில் தந்திடுவரோ - 2

2. அடக்கியே அமர செய்தார் பலர் அருகினில் அன்போடு அழைத்தார் இவர் - 2 அன்பரின் அழைப்பினை பெற்றேனே நான் அகமகிழ் ஆனந்தம் கொண்டேன் நான் - 2

3. நான் உனக்கு என்ன செய்ய வேண்டும் என்றார் நான் பார்வை அடையவேண்டும் என்றேன் - 2 நம்பிக்கை நலம் தரும் என்றே அவர் நாதன் கண்களை திறந்து விட்டார் - 2

காண்கிறேன் காண்கிறேன் காண்கிறேன் என் கண்களைத் திறந்தவரை (படைத்தவரை) காண்கிறேன் - 2

பார்வை எனக்கு தந்தவரை பாரினில் போற்றுவேன் பாதையாக நின்றவரை பார்முழுதும் சாற்றுவேன் - 2