மாபெரும் செயல்கள்

மாபெரும் செயல்கள் புரிந்தார் - நம் வாழ்வினில் நலன்கள் பொழிந்தார் நாவினால் இயேசுவைத் துதிப்போம் - எந் நாளுமே மகிழ்ந்து களிப்போம்

பெரியவர் - மாபெரியவர் - இயேசு அரியவர் - நமக்குரியவர் உலகினில் இருப்பவர் எவரிலும் - கொடும் அலகையாம் அழிம்பன் படையிலும் - பெரியவர் மா - பெரியவர்

பாருளோர் பலரும் வியந்தே - அவர் பேரினைப் புகழும் படியே சீர்மீகும் விடுதலை ஈந்தார் - நம் பேரினில் திருவருள் கூர்ந்தார் - பெரியவர்

கவலையாய் வயலை அடைந்தே - கண் கலங்கியே விதைகள் விதைப்போர் களிப்புடன் அறுவடை செய்வார் - அரிக் கட்டுகள் சுமந்துமே செல்வார் - பெரியவர்