கண்ணின் மணியே நீ உறங்கு

கண்ணின் மணியே நீ உறங்கு உயிரின் உயிரே நீ உறங்கு உலகின் ஒளியே நீ உறங்கு விண்ணின் மகனே நீ உறங்கு

ஏழையாக அவதரிக்க தேர்ந்தெடுத்தீரே ஏராள மனதிலே அன்பு வைத்தீரே இராஜா ராஜனாக மண்ணில் வந்தீரே இனிமையான உறவிலே படுத்துவிட்டீரே - கண்ணின்

வானதூதர் சூழ்ந்திருக்க மனமில்லாமலே பரலோக இராஜ்ஜியத்தை துறந்து வந்தீரே வேதத்தின் வாக்குகளை நிறைவேற்றிடவே உலகத்தை இரட்சிக்கவே பிறந்து விட்டாரே - கண்ணின்

மேய்ப்பர்களும் மந்தையுடன் தூங்கும் வேளையில் தேவதூதர் பாடும் பாடல் வானில் கேட்குதே இன்று நம் இரட்சகர் பிறந்து விட்டாரே என்று சொன்ன வார்த்தை கேட்டு மகிழ்ந்து பாடினர் - கண்ணின்