காலத்தின் அருமையை

காலத்தின் அருமையை அறிந்து வாழாவிடில் கண்ணீர் விடுவாயே.

ஞாலத்தின் பரனுனை நாட்டின் நோக்கத்தைச் சீலமாய் நினைத்தவர் மூலம் பிழைத்திடுவாய் - கால

1.மதியை யிழந்துதீய வழியிலே நீ நடந்தால் வருங்கோபம் அறிந்திடாயோ? கதியாம் ரசஷண்ய வாழ்வைக் கண்டு நீ மகிழ்ந்திட காலம் இதுவே நல்ல காலம் என்றறியாயோ? - கால

2.நோவாவின் காலத்தில் நூற்றிருபது ஆண்டு நோக்கிப்பின் அழித்தாரன்றோ? தாவாத கிருபையால் தாங்கி உனக்களித்த தவணையின் காலமிவ் வருட முடியலாமே. - கால

3.முந்தி எரேமியா கனனியாவுக் குரைத்த முடிவை நீ யறியாயோ! எந்தக் காலமும் சிரஞ்சீவியென் றெண்ணிடாமல் ஏற்ற ஆயத்தமாய் எப்போதும் இருந்திடாயோ! - கால

4.இகத்தினில் ஊழியம் அகத்தியம் நிறைவேற ஏசுனை அழைத்தாரல்லோ; மகத்துவ வேலையை மறந்து தூங்குவாயானால் பகற்கால முடியும் ராக்காலத்தி லென்னசெய்வாய்? - கால