இறைவனே உன்னைப்

இறைவனே உன்னைப் பாடிப் புகழ்ந்திட அருள்வாய் - ஏழிசையாலே!

முறை தவறாமல் குறைகளில்லாமல் முத்தமிழ் மாலையில் மோனை கெடாமல் - இறைவனே

உதயத்திலே ஒளி உதிக்குமுன்னே எழுந்து இதயத்தையே நீயே இருப்பதற்குத் திறந்து, சிரத்தினையே உன்றன் சேவடியில் பிணித்து, கரத்தினையே குவித்துக் கண்களில் நீர்வடித்து - இறைவனே

அற்புதமாகவே அகண்ட வெளியிலே ஆயிரங்கோடி அண்டங்களைப் படைத்து, புற்புதங்கள்போலப் பொற்புடனே மிதந்து போகவிட்டு அவற்றைப் புரந்தருள் செய்கிற - இறைவனே

தந்தையென அமைந்து தாயுமெனச் சிறந்து, விந்தையின் ஆவியால் வித்தங்கள் புரிந்து, மைந்தனையே கொடுத்து மானிடத்தைப் பிணித்த பந்தங்களை யறுத்துப் பாரினிலே விடுத்த - இறைவனே

4 காலையிலே பகல் காலத்திலே இன்ப மாலையிலே மற்ற மையிருள் போதிலே சோலையிலே துயர்ப் பாலையிலே இந்த ஞாலத்திலே வரும் வாழ்விலே தாழ்விலே - இறைவனே "