அப்பா தயாள குணாநந்த

அப்பா, தயாள குணாநந்த மோனந்த வேதா, பொல்லா இப்பாரில் காய்பாமுன் ஏகினீரே, ஏசுநாதா?

1. குற்றம் சுமத்தப் பொய்ச் சாட்சிகளைத் தேடீனாரோ? - அந்தச் செற்றலர் எல்லாம் திரண்டேகமாய்க் கூடினாரோ?

2. கன்னம் அதைத்ததோ? கண்கள் சிவந்தவோ? சுவாமீ - பொறி மின்னிக் கலங்கி, விசனம் உற்றீரோ, நன் னேமி?

3. மெய்யான சாட்சி இட்டையனே, சொன்ன உம் மீதே - தீயர் பொய்யான சாட்சி இரட்டையோ, சுமத்தினார் தீதே

4. என் கட்டை நீக்கி ஈடேற்ற வாதைக்குள்ளானீரோ? - உம்மைப் பின் கட்டாய்க் கட்டி, பிலாத்திடங் கொண்டு போனாரோ?

5. இத்தனை பாடுகள் நீர் பட்ட தென்கொடும் பாவமே, என்றன் கர்த்தனே, உன் மீதில் வந்ததையோ, தேவ கோபமே?

6. நீர்பட்ட பாட்டைப்போல், ஆர் பட்டுத்தாங்குவார், தேவே? - பல கார்பட்ட நெஞ்சமும் சீர்பட்டுப் போகுமே, கோவே