ஐயையா நான் பாவி

ஐயையா, நான் பாவி - என்னை ஆளும் தயாபரனே!

பொய்யாம் உலக உல்லாசாத்தினால் மனம் போனவழி நடந்தேன் - ஏ சையா, அபயம்! அபயம்! இரங்கும், பேர் ஐயா, என் தாதாவே --- ஐயையா

எத்தனை சூதுகள், எத்தனை வாதுகள், எத்தனை தீதுகளோ? - எனது அத்தனே! என் பிழை அத்தனையும் பொறுத் தாண்டருளும், கோவே --- ஐயையா

வஞ்சகமோ, கரவோ, கபடோ, மாய் மாலமோ, ரண்டகமோ? - மனச் சஞ்சலம் நீக்கி எனக்கருள் செய்யும், சமஸ்த நன்மைக் கடலே --- ஐயையா

பொய்யும், புரட்டும், உருட்டும், திருட்டும், பொறாமையும், ஆணவமும், விட் டுய்யும்படி அருள் செய்யும், அனாதி ஓர் ஏகதிரித்துவனே --- ஐயையா

உன்னை யாவற்றிலும் பார்க்கச் சிநேகித் துன தடியார்களையும் - நான் என்னைச் சிநேகிக்கிறாற்போல் சிநேகிக்க ஏவும், பராபரனே --- ஐயையா

வேத புஸ்தகத்தை ராவும் பகலும் விடா மற்றியானித்துக் கன சேதன நூல் வேதநாயகன் பாட்டைச் செபஞ் செய்கிறேன் காவே