ஆண்டவரின் நாமமதை

ஆண்டவரின் நாமமதை ஈண்டு போற்றுவேன் – அவர் ஆளுகையின் நீதி அன்பின் வழி சாற்றுவேன்

உத்தம வழியில் நிதம் புத்தி கொள்ளுவேன் – மன உண்மையுடன் வாழ்ந்து தீய கன்மம் தள்ளுவேன்

கெட்ட விஷயங்கள் எனை ஒட்டுவதில்லை – மதி கேடரின் புரளிகளும் கிட்டுவதில்லை

வஞ்சகங்களை உகக்கும் நெஞ்சை நீக்குவேன் – பொல்லா மார்க்கங்களிலே நடக்கும் தீர்க்கம் போக்குவேன்

மற்றவனை யேசி வாயால் குற்றங்கள் செய்யும் – துஷ்ட மாந்தர் மேலே பற்றாமலென் பாந்தவம் நையும்

பொய்யர்களை என்னுடன் உய்ய ஒட்டேனே – மகா புரளிசெய்யும் எத்தர்களின் திரளில் கிட்டேனே

சீருடையோர் பேரில் அன்பு கூருவேனே – நல்ல சீரொழுகு சான்றோர் தயை சேருவேனே