உம்மாலே கூடாத

உம்மாலே கூடாத காரியம் - இந்த உலகினில் ஒன்றுமில்லை உம்மாலே எல்லாமும் கூடுமே - இங்கு உம்மைப்போல் எவருமில்லை நீர் சொல்ல ஆகுமே நீர் கட்டளையிட நிற்குமே

1. கடலினில் சீஷர்கள் - அன்று கதறிடும் வேளையில் காற்றையும் கடலையும் அதட்டினீரே கர்த்தாவே உம்மைப்போல் எவருமில்லை (உம்மாலே)

2. மரியாளின் மார்த்தாளின் - அழு குரலினை கேட்டதும் லாசருவை உயிராக்கினீரே நேசரே உம்மைபோல் எவருமில்லை (உம்மாலே)

3. நாயீனூர் விதவையாம் - அந்த தாயின் மேல் இரக்கத்தால் அவளது மகனையும் எழுப்பனீரே அற்புதர் உம்மைப்போல் எவருமில்லை (உம்மாலே)

4. யவீருவின் மகளையும் - அன்று உயிர் பெறச் செய்தீரே எண்ணற்ற அதிசயம் செய்தவரே ஏசுவே உம்மைபோல் எவருமில்லை (உம்மாலே)