தயவுள்ள இயேசுவின் கரங்களில்

தயவுள்ள இயேசுவின் கரங்களில் தாலந்துகளை நாம் பெற்றிடுவோம் (2)

1.தரணி குலுங்கிடும்! தற்பரன் உயர்ந்திடும் தாலந்தின் வீரிய கிரியையை தலைவர் இயேசுவின் சரீர சபைக்கு தாங்கி நிற்கும் தூணாக்குவோம் தூய்மையின் வழியை வல்லமையாய் துதித்து நிற்போம் - தயவுள்ள

2.மகிமை நிறைந்திடும் மாட்சிமை பொங்கிடும் மன்னவர் இயேசுவின் கிரியையை ஐக்கிய பெலனை பெற்றிடும் சபைக்கு மங்காத மகிழ்ச்சியாய் நிறைந்திடுவோம் ஐந்து தாலந்தின் மேன்மை சேவையை புகழ்ந்து நிற்போம் - தயவுள்ள

3.தாழ்மை வளர்ந்திடும் வாழ்வு துளிர்த்திடும் வானவர் வேதத்தின் கிரியையை சிறப்பான சுதந்திரம் பெற்றிடும் சபைக்கு நம்பிக்கை நன்மையாய் பெருக்கிடுவோம் இரண்டு தாலந்தின் இனிய சேவையை உயர்த்தி நிற்போம் - தயவுள்ள

4.நிதி நிறைந்திடும் நியாயம் அழைத்திடும் சிங்காசன சீரிய கிரியையை பரிசுத்தம் அடையும் பரலோக சபைக்கு உண்மை ஊழியமாய் உயர்த்திடுவோம் தாலந்தைப் புதைத்த துல்லிய சேவையை விரட்டி நிற்போம் - தயவுள்ள

5.தூயவர் வருகையும் துதித்திடும் சத்தமும் சீக்கிரம் சந்திக்கும் கிரியையை மணவாளன் கண்டிடும் மறுரூப சபைக்கு நித்திய வாழ்வாய்க் காட்டிடுவோம் களிகூர்ந்து மகிழ்ந்து கூடி நின்று ஆர்ப்பரிப்போம் - தயவுள்ள