சிலுவையின் சாட்சியே சீயோனின்

சிலுவையின் சாட்சியே சீயோனின் எக்காளமே இயேசுவின் முன்னனி சேனை வீரரே

1.தாழ்மையின் சின்னம் சிலுவை தானே - அங்கே சிறந்த சிந்தனை உருவாகுதே தளர்ந்த முழங்கால் பெலனடைந்திட அற்புதம் செய்து வரும் ஊழியரே- சிலுவை

2.சாட்சியின் மேன்மை சிலுவை தானே - அங்கே சத்திய திருச்சபை உருவாகுதே தகர்ந்த ஊழியம் உயிரடைந்திட தெய்வீகத் தூது தரும் ஊழியரே - சிலுவை

3.இரட்சிப்பின் ஊற்று சிலுவை தானே - அங்கே எழுப்புதல் ஊழியம் உருவாகுதே ஜனங்கள் இன்னும் மனந்திரும்பிட சத்தியம் சொல்லி வரும் ஊழியரே- சிலுவை

4.வல்லமை வடிவம் சிலுவை தானே - அங்கே வல்லமை ஊழியம் உருவாகுதே வறண்ட வேலலையும் வாழ்வடைந்திட வசனம் சொல்லி வரும் ஊழியரே- சிலுவை

5.வெற்றியின் வேகம் சிலுவை தானே - அங்கே யூதாவின் கெம்பீரம் உருவாகுதே இராஜாதி இராஜா கர்த்தாதி கர்த்தா இயேசுவின் கரங்களின் ஊழியரே - சிலுவை