சிலுவையில் இயேசு சொன்ன

சிலுவையில் இயேசு சொன்ன ஏழு வசனங்கள் - ஏழு என்றார் பூரணம் அன்றே மனித மீட்பு பூரணம் ஒ 2

1. பிதாவே இவர்களை மன்னியும் என்றாரே உன்னையும் மன்னித்து விட்டார் மன்னித்த மன்னவருக்கு நீ உன்னில் என்ன செய்தாய்?

2. இன்றைக்கு நீ என்னோடே பரதீசில் என்றாரே உன்னையும் நம்பி எடுத்தார் எடுத்த இரட்சகருக்கு நீ கொடுத்த இடம் என்ன?

3. ஸ்திரியே அதோ உன் மகன் என்றாரே யோவானே அதோ உன் தாய் என்று சொன்ன இயேசுவுக்கு நீ கொடுத்த மதிப்பென்ன?

4. என் தேவனே என் தேவனே – ஏன் என்னை கைவிட்டீர் என்று சொன்ன இயேசுவுக்கு நீ துணிவதெப்போது

5. இதோ தாகாமாயிருக்கிறேன் என்று சொன்ன இயேசுவுக்கு ஆத்தும ஆதாயம் செய்ய நீ வருவது எப்போது?

6. எல்லாம் முடிந்தது என்று சவால் விட்ட இயேசு கிறிஸ்துவுக்கு சவால் விட்டு எழும்பி நீ செவி கொடுப்பது எப்போது?

7. பிதாவே என் ஆவியை உமது கைகளில் ஒப்புவிக்கிறேன் சொன்ன இயேசுவுக்கு நீ ஒப்புவிப்பது எப்போது?