சேனைகளின் கர்த்தாவே

சேனைகளின் கர்த்தாவே உம் தூய வாசஸ்தலம் எவ்வளவு அருமையானது எவ்வளவு இனிமையானது

வாஞ்சையெல்லாம் நீர்தானையா வாழ்க்கையெல்லாம் நீர்தானையா உள்ளங்கள் தேடிடுதே – எங்கள் உதடுகள் போற்றிடுதே

நன்றியுடன் உம்மை துதித்திடவே ஆர்வமுடன் ஓடிவந்தோம் மகிழ்வுடன் ஆராதனை – எங்கள் தேவனே உமக்கு தந்தோம்

கண்ணீர்களின் பள்ளத்தாக்கை கடந்து வந்தோம் கிருபையினால் துதிகளை ஏறெடுத்தோம் – எங்கள் இதயத்தில் பெலனடைந்தோம்

ஆலயத்தின் சம்பூரணம் ஆண்டவரே உம் பிரசன்னம் தெய்வீக உணவு தந்தீர் – தேவ நதியால் தாகம் தீர்த்தீர்

எதிரிகளின் கண்களின் முன் எங்களுக்கோர் விருந்து செய்தீர் ஆனந்த தைலத்தினால் – உள்ளம் நிரம்பியே வழியச் செய்தீர்

புத்தியுள்ள ஆராதனை பக்தியுடன் செய்திடுவோம் பரலோக மகிமைதனை – எங்கள் நடுவினில் கண்டிடுவோம்