சங்கீதம் நான் பாடவந்தேன்

சங்கீதம் நான் பாடவந்தேன் - நெஞ்சில் சந்தோஷம் என் ஏசு தந்தார் என் பாவ பாரங்கள் தீர்த்தார் - இன்று என் வாழ்வில் பேரின்பம் ஈந்தார்.

1. இரத்தாம்பரம் போன்ற சிவப்பான எந்தன் இதயத்தின் பாவங்கள் அவர் நீக்கியே வெண்பஞ்சை போலாக்கி என் நெஞ்சை சீராக்கி எண்ணில்லா ஆனந்தம் எனக்கீந்தாரே

2. கார்மேகம் போலெந்தன் பாவங்கள் யாவும் கடலாழம் அவர் தள்ளி எனை மன்னித்தார் என் சாப ரோகங்கள் தன் மீது சுமந்தே என் நெஞ்சில் பேரின்பம் அவர் தந்தாரே

3. கல்லான என் நெஞ்சை சதையாக மாற்றி நல்லாவி வரம் யாவும் அவர் தந்ததால் என் ஆவி ஆத்துமா சரீரத்தை அவர்க்கே என்றென்றும் பலியாக படைத்திடுவேன்

4. எனை மீட்ட ஏசுவின் இணையில்லா அன்பை தினம்பாடி அவர் சித்தம் போல் நடப்பேன் மணவாளன் மேகத்தில் வருகின்ற நாளில் மகிழ்வோடு அவரோடு பறந்திடுவேன்