பெலவீன நேரத்திலே

பெலவீன நேரத்திலே பெலன் தாரும் என் தெய்வமே உம்கிருபை பொழியுமய்யா உலகினில் எனக்கது போதுமய்யா

1. சிற்றின்ப சேற்றினில் சில வேளையில் சிக்குண்டு சோர்ந்திட நேர்ந்திடுதே உமதாவி வல்லமை மறைந்திடுதே ஒரு விசை மாத்திரம் இரங்குமய்யா - இந்த

2. நிர்பந்த மானவன் நான் தானய்யா நிலையின்றி தடுமாறும் நிலை ஏனைய்யா பெலனின்றி தவித்திடும் எனைபாரய்யா பெலன் தந்து நிலைத்திட அருளுமைய்யா - உந்தன்

3. விசுவாச பாதையில் நான் செல்கையில் விரும்பாத செயல் வந்து தடை செய்யுதே திரும்பாமல் நடைபோட பெலன் இல்லையே திருக்கரத்தால் என்னை தாங்குமய்யா - உந்தன்

4. நிழல் போல பாவங்கள் தொடர்கின்றதே புயல் போல சோதனை எதிர்க்கின்றதே உமையன்றி யாரிடம் நான் செல்லுவேன் உண்மையை உம்மிடம் தான் சொல்லுவேன் - மன