பரலோகில் திரளான ஜனக்கூட்டமே

பரலோகில் திரளான ஜனக்கூட்டமே பரன் ஏசு ராஜனை புகழ்ந்திடுதே அல்லேலூயா, அல்லேலூயா - என்று ஆரவார தொனி கேட்குதே

அல்லேலூயா இரட்சண்யமும் மகிமையும், கனமும், வல்லமையும் எங்கள் ராஜாதி ராஜனுக்கே எங்கள் கர்த்தாதி கர்த்தருக்கே

1. இருபத்து நான்கு மூப்பர்களும் இணையற்ற நான்கு ஜீவன்களும் சிங்காசனம் அதில் வீற்றிருக்கும் மங்காத பேரொளியானவரை ஆமேன் அல்லேலூயா என்று சொல்லி வீழ்ந்து வணங்கியே தொழுதனரே

2. அக்கினி ஜுவாலையைப்போல் கண்களும் அமைந்தவர் நீதியாய் நியாயந்தீர்ப்பார் ரத்தத்தில் தோய்த்த வெண் வஸ்திரத்தை அணிந்தவர் நமக்காக யுத்தம் செய்வார் அநேக கிரீடங்கள் தரித்தவர் அற்புத தேவனின் வார்த்தையாவார்

3. தேவாட்டுக் குட்டியின் கல்யாணமாம் தெய்வீக விருந்தங்கு ஆயத்தமாம் பாத்திரவான்களாய் அழைக்கப்பட்டோர் பாக்கியவான் என்ற தொனி முழங்க பரலோகில் ஓர் வெள்ளைக் குதிரையின் மேல் பரனேசு மகிமையாய் வீற்றிருப்பார்