ஒரு போதும் மறவாத

ஒரு போதும் மறவாத அன்பான மெய் தேவன் என்னோடு இருக்கின்றதால் எனக்கென்றும் பயமில்லையே - அவர்

1. பெருவெள்ளம் போல் வாழ்வில் வருந்துன்பம் பறந்தோடும் அவரெந்தன் துணையானதால் கலங்காமல் திகையாமல் அவரன்பை மறவாமல் அவரோடு நான் வாழுவேன் - என்றும்

2. சேனைக்குள் நான் பாய்வேன் மதில் கூட தாண்டுவேன் அவரெந்தன் பெலனானதால் உறங்காமல் தூங்காமல் எனைக்காக்கும் அவர் போல எவருண்டு பார் மீதிலே - வேறு

3. செங்கடலும் பிளந்தோடும் யோர்தானும் பிரிந்தோடும் அவரெந்தன் முன் செல்வதால் தம் கண்ணின் மணிபோல தினமென்னை காக்கின்ற அவர் போல எவருமில்லை - உலகில்