மகிமையான தேவனின்று

மகிமையான தேவனின்று மண்ணின் மீது பாலனாக வடிவெடுத்து வந்ததென்னவோ மனிதனான நானும் அன்று விண்ணில் வாழ வரமெனக்கு வந்ததேவன் தந்ததென்னவோ

1. இரவில் கடுங்குளிரில் நம் இறைவன் பிறந்திட புவியில் ஒரு இடமுமின்றி இதயம் கலங்கிட மரியும் அவள் துணையும் அங்கு மலைத்து நின்றிட மாட்டிடைதான் கிடைத்ததுவோ மன்னன் தவழ்ந்திட - ஆரிராரோ ஆரிராரிரோ

2. மந்தை அதை காக்கும் நல் மேய்ப்பர் யாவரும் வானில் வந்த சுடரைக் கண்ட ஞானி யாவரும் நிந்தைதனை நீக்கவந்த விந்தை பாலனை சிந்தையாவும் குளிர நின்று வாழ்த்தி வணங்கினர் - ஆரிராரோ ஆரிராரிரோ

3. தாவீதின் ஊர்தனிலே தாழ்மை கோலத்தில் தேவாதி தேவனவர் ஏழ்மை வடிவத்தில் பாவ இருள் நீக்கிடவே ஞான தீபமாய் பாரினிலே வந்துதித்தார் பாச ரூபமாய் - ஆரிராரோ ஆரிராரிரோ