மானானது நீரோடைகளை

(சங்கீதம் : 42) மானானது நீரோடைகளை வாஞ்சித்து கதறும் போல என் ஆத்துமா தேவனே உம்மை வாஞ்சித்து கதறுதே

1. ஜீவனுள்ள தேவனே உம்மீது ஆத்துமா தாகமுடன் ஏங்கி என்றும் தவித்து வாடிடுதே உம்முடைய சந்நிதியில் என்று நான் வந்து நிற்பேன் அன்று எந்தன் வாஞ்சை யாவும் நிறைவேறுமே

2. எங்கே உன் தேவன் என்று என்னை கேட்பதால் வேதனையால் எந்தன் உள்ளம் வாடுகின்றதே இரவு பகல் என் கண்ணீரே எனக்கு உணவானதன்றோ ஏனென்னை நீர் மறந்தீர் என் தெய்வமே?

3. என் ஆத்துமாவே நீ ஏன் இன்னும் கலங்குகிறாய் ஏன் எனக்குள்ளாக நீயும் ஏங்கி தயங்குகிறாய் என் தேவனே உமை நான் யோர்தானிலும் எர்மோனின் மலைகளிலுமிருந்து நினைத்திடுவேன்