கனிமண் நான்தான்

தொகையறா படைத்தீரே படைப்பெல்லாம் மனுவிற்காக - அந்த மனுவை படைத்தீர் உம்மை என்றும் வணங்க மண்ணான நானுமை மறந்தென்றும் வாழாமல் எந்நாளும் உமைநினைந்து வாழ்ந்திடவே அருள்தாரும்

கனிமண் நான்தான் தேவா - பரம குயவனும் நீர்தான் இறைவா உம் சித்தம் போல் எனை வனைந்திட வேண்டும் உம் வழி நானும் நடந்திட வேண்டும்

1. நானல்ல நீர்தான் எனை - இந்த நானிலத்தில் தெரிந்து கொண்டீர் கருவாக உருவாகுமுன் - என்னை பேர் சொல்லியே அழைத்தவர் நீர் கனமான உந்தன் ஊழிய் செய்ய எனக்கருள் ஈந்திடுவீர் - ஐயா

2. அன்பே உம் சிலுவையின்றி - இந்த அவனியிலே மேன்மை உண்டோ என்மேன்மை யாவுமின்று - உம் முன்பாகவே குப்பையன்றோ பெயர் புகழ் எல்லாம் உம்பாதம் சேரும் மாறாத கிருபை போதும் என்றும்

3. காணாத ஆட்டினைப் போல் - வழி தவறியே நான் செல்கையிலே மாறாத அன்புடனே - எனை தேடிவந்த நல்மேய்ப்பரே எனக்காக உந்தன் ஜீவனைத் தந்தீர் உமக்காக நான் வாழுவேன் - என்றும்