ஜெப வாழ்வில் திருப்தியடைந்து

ஜெப வாழ்வில் திருப்தியடைந்து நின்று விடாதே உலகம் காட்டும் மாயையிலே விழுந்து விடாதே

ஓடு, ஓடு, ஓடு, ஓடு வாலிபனே ஓடு, ஓடு ஓடு ஓடு கன்னிகையே

1. லோத்தின் மனைவி போல நீயும் பின்னால் பாராதே லோகமான மாயையிலே மயங்கி நில்லாதே வாலிப நாட்களில் தேவனை தேடு வாஞ்சையாய் வாழ்க்கையை அவரிடம் கொடு - ஓடு, ஓடு

2. சிம்சோன் போல் உன் வாழ்வை கெடுத்துக் கொள்ளாதே சின்ன சின்ன ஆசையிலே விழுந்து விடாதே சிறியவனை உயர்ந்திடும் பெரியவரிடம் வா . சிறுமைப்பட்ட உன் வாழ்வை அவரிடம் தா - ஓடு, ஓடு

3. உலகின் மீதும் மனிதர் மீதும் அன்பு கூராதே அது உனக்கெதிராய் மாறிவிடும் மறந்து போகாதே மாயையை நீக்கியே மன்னரிடம் வா மன்னிப்பதில் வள்ளலவர் மனம் திரும்பி வா - ஓடு ஓடு