இன்ப கிறிஸ்தேசுவே

இன்ப கிறிஸ்தேசுவே! எங்களை இரட்சிக்க அவதரித்த இன்ப கிறிஸ்தேசுவே

பாலஸ்தீன் பூமியில் பிறந்தீரே பரவசக் காட்சி அளித்தீரே பனிக்கட்டிக் காலத்தின் குளிரெல்லாம் பயமின்றி சகித்தீரே

1.மாசற்ற ஜோதி நீரே மகிமையாய் மாநிலத்தில் உதித்தீரே மாசற்ற ஜோதி நீரே மாணிக்கக் கல்லைப் போல் வந்திருக்க மங்களம் சொல்லி வாழ்த்துகிறோம் மணவாட்டி மேன்மை திருச்சபையை மகிமையில் நிறுத்திடவே

2.மாட்டுக் கொட்டிலில் கண்டோம் மூன்று சாஸ்திரிகள் வாழ்த்துதல் கூறிட மாட்டுக் கொட்டிலில் கண்டோம் மகிமையின் ரூபமாய் பிரகாசிக்க மங்களம் சொல்லி வாழ்த்துகிறோம் மாட்சிமை கண்டிடும் இயேசுவின் வருகை மனதில் நின்றிடவே

3.மணவாளன் மகிமை கண்டோம் மணவாட்டி மகிழ்ச்சியின் பரவசம் பொங்கிட மணவாளன் மகிமை கண்டோம் மாறாத மனம் என்றும் நிறைந்து நிற்க மங்களம் சொல்லி வாழ்த்துகிறோம் சீருடை தரித்து சீயோனிலே சிறந்து விளங்கிடவே