எட்டு திசையுமே வட்டமிட்டுமே

எட்டு திசையுமே வட்டமிட்டுமே கட்டு விடாத சுவிசேஷ ஊழியமே திட்டமிட்டுமே செய்திடுவோமே ஏற்ற காலத்தில் ஏற்ற பலனையே இயேசுவின் கரத்தில் பெற்றிடுவோமே

1.எடுத்துரைத்திடும் நல்ல சுவிசேஷமே அடுத்து அடுத்துமே நல்ல கிரியை செய்யுமே நாடு நகரமே வீடுகளெல்லாம் பரமனேசுவைப் பாடி சொல்லுவோம்

2.நல்ல செய்தியை நாடு கேட்டிட நல்ல சாட்சியின் வாலிபர் தேவையே மெல்ல மெல்ல சொல்லிட காலமில்லையே மின்னல் வேகமே எழும்பி சொல்லுவோம்- எட்டு

3.உற்ற நேரமே மீட்பர் பணியிலே உண்மை வாலிபனே கிரியை செய்திடும் மக்கள் மனதிலே மகிமை வசனமே தக்க நேரமே கிரியை செய்திடும்- எட்டு

4.சுவிசேஷ வலையிலே நிறைந்த மீன்களே சாட்சி சபையிலே கூடி வந்திடும் சுவிசேஷ பணியிலே சபைகள் வளர்ந்திடும் சுகந்த வாசனை ஓங்கி படர்ந்திடும்- எட்டு