என்னை பெத்த ராசாவே

என்னை பெத்த ராசாவே - என் கண்ணை போல உன்னை வளர்த்தேன் கண்ணுறங்கிப் போனதென்ன கல்வாரி சிலுவையில் - என்னை

1. கண்ணே நீ கண் திறந்தாய் காரிருள் கலைந்ததையா அன்பே நீ அவதரித்தாய் அந்தகாரம் அகன்ற தையா பெண்ணே நீ பிறந்ததால் பாவமெல்லாம் பறந்ததையா அன்னை எந்தன் தாலாட்டு உன் செவியில் கேட்கலையா ஆராரிரோ...ஆராரிரோ... - என்னை

2. மன்னா நீ உதித்ததால் மண்பதை உயர்ந்ததையா ஐயனே பாடு பட்டாய் பேய் பிணியும் விலகுதையா சிலுவை சுமந்ததினால் சீலமெல்லாம் பெருகுதையா சேயுந்தன் செவியிலே என் குரல் கேட்கலையா ஆராரிரோ..ஆராரிரோ... - என்னை

3. கல்லாகிப்போன மனம் கனியாய் கனிந்திடவே அன்னை எந்தன் மடியினிலே உன் மேனி சாய்ந்ததென்ன மெய்யான போஜனம் மெய்ப்பொருளே என் மகனே தாயெந்தன் தாலாட்டு சேனைக்கு கேட்கலையா ஆராரிரோ...ஆராரிரோ - என்னை