ஏனிந்த நிலை எனக்கு

ஏனிந்த நிலை எனக்கு என்னருந்தேவா நானிந்த நானிலத்தில் வாழ்ந்ததே போதும்

ஓயாத துன்பம் போராட்டம் யாவும் ஒழிகின்ற நாள்தான் என்றோ என்தேவா

1. செத்தவனைப்போல் நினைத்து நித்தமெனை மறந்தார்கள் உடைந்த ஒரு பாத்திரம் போல் உதறியெனை எறிந்தார்கள் வீதியில் எனைக்கண்டு விலகியே சென்றார்கள் நானோ என் கர்த்தாவே உமை நம்பி வாழுகின்றேன்

2. நான் நம்பும் மனிதரெல்லாம் ஏன் என்னை பகைக்கின்றார் எனை முன்பு நடக்கவிட்டு எனைப் பார்த்து நகைக்கின்றார் மனதாலும் நினைவாலும் மனதார வெறுக்கின்றார் இருந்தாலும் உமைத்தேடி வந்த எனை நினைத்தருளும்

3. மறைவாக வைத்த வலை விரைவாக நீக்கிடுவீர் சத்துருவின் கையினின்று பக்தனெனை மீட்டிடுவீர் உபத்திரவம் வியாகுலமும் உன்னதரே மாற்றிடுவீர் என் நெருக்கம் அறிந்ததினால் உம் இரக்கம் காட்டிடுவீர்