என் இயேசுவே என்னோடு பேசிடும்

என் இயேசுவே என்னோடு பேசிடும் உமது வழியில் என்றும் நான் நடந்திட பேசிடும்

1.வேதம் குறைவற்றதே, ஆத்துமா உயிர் பெறுதே சத்தியம் சாட்சியாய் உயர்ந்திடுதே பேதையை ஞானியாய் மாற்றிடுதே- என் இயேசுவே

2.தேனினும் மதுரமதே தெளிதேன் மதுரமதே மகிமை மாட்சிமை மன்னவர் நீரே மகிழ்ச்சியின் கிரீடம் கிடைத்திடுதே- என் இயேசுவே

3.வேதனை நீங்கிடவே போதனை செய்திடுதே வசன தீபம் எரிந்திடவே இருளின் வழி என்றும் மாறிடுதே- என் இயேசுவே

4.இயேசுவின் வார்த்தையிதே குறைவை நிறைவாக்குதே ஆசீர்வாதம் நிறைவாய் பொங்கிடவே மீதியும் நிறைந்து செழித்திடுதே- என் இயேசுவே

5.மெய்வழி நடந்திடவே நித்தமும் பேசிடுமே பின்மாரி மழை இன்று பொழிந்திடவே மெல்லிய குரலோடு பேசிடுமே- என் இயேசுவே

6.சபை நிதம் வளர்ந்திடவே ஆகாரம் அளித்திடுமே சந்தோஷம் பொங்கி பெருகிடவே அறுவடை ஆட்களை எழுப்பிடுமே- என் இயேசுவே