என் நெஞ்சமே நீ அஞ்சிட வேண்டாம்

என் நெஞ்சமே நீ அஞ்சிட வேண்டாம் எந்நாளும் இயேசு நம்முடன் இருக்கிறார் என்றும் இருக்கிறார்

1.மழையும் குளிரும் வாடையும் பனியும் மன்னவர் இயேசுவின் நாமத்தில் அடங்கும் எடுத்த எடுப்பில் சாத்தானை அடித்து (2) அடுக்கடுக்காய் என்றும் ஜெயம் தந்தார் (2)

2.கள்ளம் கபடு வஞ்சகம் சூது கர்த்தர் இயேசுவின் வார்த்தையில் நீங்கும் கரத்தை உயர்த்தி புயத்தாலே அடித்து காலா காலத்தில் ஜெயம் தந்தார்

3.பாவம் பயமும் பேயின் கொடுமையும் இயேசுவின் பரிசுத்த அக்கினி அழிக்கும் இரத்தம் சிந்தி ஜீவனைத் தந்து மீட்பர் இயேசு ஜெயம் தந்தார்

4.நிந்தை கந்தை கண்ணீர் கவலை இரட்சிப்பின் மகிழ்ச்சியில் என்றுமே மறையும் உயிர்த்து எழுந்தார் ஜெயித்து எழுந்தார் ஆடிப் பாடியே உயர்த்திடுவோம்