அப்பா பிதாவே என்றே

அப்பா பிதாவே என்றே என் தேவனை எப்போதும் அழைத்திடுவேன் இப்பாரில் என்மேல் மெய்பாசம் வைத்த அப்பாவை தொழுதிடுவேன்

1. ஒன்றுக்கும் உதவாத என்னையும் அவர் இன்றைக்கு தம் கரத்தில் எடுத்துவிட்டார் நன்றியால் உள்ளம் பொங்க நாயகன் அன்பினையே நான் என்றும் புகழ்ந்திடுவேன் - வாழ்வின் நாளெல்லாம் துதித்திடுவேன் அல்லேலூயா அல்லேலூயா - ஆமென்

2. பயமுள்ள ஆவியினை அளித்திடாமல் பலமுள்ள ஆவியினை அளித்துவிட்டார் தேவன் தம் அன்பினையும் தெளிந்த புத்தியுள்ள ஆவியை தந்துவிட்டார் - இந்த பாவியை மாற்றிவிட்டார்

3. அக்கினி அபிஷேகம் பொழிந்திடுவார் அந்நிய பாஷைகளை அளித்திடுவார் ஆவியின் முத்திரையை ஆண்டவர் தந்துவிட்டார் அவர் வரும் நாளினிலே - நானும் அவரோடு பறந்திடுவேன்