ஆயிரம் பதினாயிரம்

ஆயிரம் பதினாயிரம் நாவுகள் போதுமோ அன்பே உமைப் புகழ்ந்து பாட - எனது நாட்களும் போதுமோ

1. திறமை அறிவொன்றும் இல்லை - எந்த தியாகம் நான் செய்ததில்லை - உந்தன் கிருபை என்னைச் சூழ்ந்து இரக்கம் எனைத்தாங்கி கருணை எனைக் காத்ததாலே - உமை காலமெல்லாம் உள்ளம் பாடும்

2. கலக்கம் எனை வந்து சேரும் - என் கண்கள் குளமாக நேரும் - உம் கரங்கள் கண்ணீரை துடைத்து எனைதேற்றும் கவலைதனை யாவும் மாற்றும் என் இதயம் உமையென்றும் போற்றும்

3. தனிமை எனை வாட்டும் வேளை - நீர் இனிமை என் நெஞ்சில் தந்தீர் - என் இளமை நாட்கொண்டு முதுமை ஆட்கொள்ளும் நிலைமை வரை சுமப்பதாலே - உந்தன் பெருமைதனைப் பாடி வாழ்வேன்