ஆவியில் நிறைந்து

ஆவியில் நிறைந்து ஆண்டவரை துதித்து அல்லேலூயா என்று போற்றிடுவேன் அன்பினால் நிறைந்து ஆத்ம மணாளனை அனுதினம் புகழ்ந்து பாடிடுவேன் அல்லேலூயா (6)

1. மரித்தவனைப் போல நான் வாழ்ந்தபோது மனதிரங்கி தேவன் புது ஜீவன் தந்தார் லாசருவைப் போல பெயர்சொல்லி எனையும் நேசமுடன் எழுப்பி நிலைநிற்க செய்தார்

2. குருடனைப் போல் நானும் தடுமாறி நடந்தேன் கருணையுடன் தேவன் மனக்கண்ணை திறந்தார் அரவணைக்கும் அன்பின் கரமதில் எனைத்தாங்கி அவர்க்கென நான் வாழ கிருபைகள் ஈந்தார்

3. கெட்ட குமாரனைப் போல் நானும் வாழ்ந்தேன் தேவகுமாரன் தம் அன்பென்னில் பொழிந்து தம்திரு ரத்தத்தால் என் நெஞ்சை கழுவி தயவுடன் என்னை தம் மகனாக சேர்த்தார்