ஆத்துமாவே கலங்காதே

ஆத்துமாவே கலங்காதே ஆண்டவரை நம்பிடுவாய் பாரில் உன்னை காத்திடுவார் இறுதிவரை நடத்திடுவார்

நீ நம்பிடும் தேவன் உன்னை இமைப்பொழுதும் கைவிடாரே ஒரு நாளும் மறந்திடாரே – உன்னை ஒரு நாளும் மறந்திடாரே

பெலவீனமோ சோர்வுகளோ தனித்து நிற்கும் பாதைகளோ நிலைத்திரு விசுவாசத்தில் – என்றும் நிலைத்திரு விசுவாசத்தில்

ஊழியத்தின் பாரங்களோ உடைக்கப்படும் நேரங்களோ இயேசு உன் துணை நிற்கிறார் – என்றும் இயேசு உன் துணை நிற்கிறார்

பரமதேசம் கண்முன் வைத்தே பதறிடாமல் நீ ஒடிடு பரன் முகம் கண்டிடுவாய் – நீ பரன் முகம் கண்டிடுவாய்

தரிசனங்கள் நிறைவேறிடும் பரிசுபெறும் நாண் வந்திடும் பெயர்சொல்லி அழைத்திடுவார் - உன்னை பெயர்சொல்லி அழைத்திடுவார்