ஆனந்தம் ஆனந்தமே

ஆனந்தம் ஆனந்தமே பேரானந்தம் ஆனந்தம் ஆனந்தமே - ஆ! ஆ ஆயிர வருட அரசாட்சியிலே

பரிசுத்தவான்கள் தாமே இப்பூவுலகை கிறிஸ்து இயேசுவோடு - ஆ! ஆ! ஆயிரம் வருடம் அரசாண்டிடுவார்

மகிமையின் சரீரமதை நாம் பெற்று மகிழ்ந்து களிகூர்ந்து - ஆ! ஆ பறந்தெங்கும் சென்றிடலாம்

புனித எருசலேமில் புனிதர் இயேசு புகழ்ச்சியாய் வீற்றிருப்பார் - ஆ! ஆ ! புனிதர் புகழ் ஓங்கிடவே

ஓனாய் ஆட்டுக்குட்டியுடனும் புலி வெள்ளாடுடனும் - ஆ! ஆ ஒருமித்துப் படுத்திருக்கும்

பாலசிங்கம் காளையுடனும் பசு கரடியுடனும் - ஆ! ஆ ஒருமித்துக் கூடிமேயும்

சிங்கம் மாட்டைப் போல் வைக்கோல் தின்று மாட்டைப் போல் வாழும் - ஆ! ஆ சிறுவன் அதை நடத்திடுவான்

பால் குடிக்கும் குழந்தை விரியன்பாம்பின் வளையின் மேல் விளையாடும் - ஆ! ஆ தீங்கு ஏதும் நேர்வதில்லை

பால் மறந்த குழந்தை கட்டுவிரியன் புற்றிலே கையை வைக்கும் ஆ! ஆ கேடும் தீங்கும் நேர்வதில்லை

பரிசுத்த பிள்ளைகட்கு அன்னியர் பண்ணையாட்களும் - ஆ! ஆ பணிவிடைக் காரருமாய்

ஜாதிகளின் செல்வத்தை அனுபவித்து மகிமையும் மேன்மையுமாய் ஆ! ஆ அரசாட்சி செய்திடுவோம்

சீயோன் மலைதனிலே ஓர் விருந்தைச் சீரும் சிறப்புமாக - ஆ! ஆ ஆயத்தமாக்கித் தந்திடுவார்

கர்த்தாதி கர்த்தரின் ஆசாரியரும் ராஜாக்களுமாய் - ஆ! ஆ என்றென்றும் பரலோகத்தில்

சந்தோஷத்தின்மேல் சந்தோஷமும் மகிழ்ச்சிமேல் மகிழ்ச்சியும் - ஆ! ஆ சதாகாலங்களிலுமே

அல்லேலூயா அல்லேலூயா என்றார்டப்பரித்து துதி கனம் மகிமையுடன் - ஆ! ஆ தேவனைத் துதித்துப் போற்றிடுவோம்