உலர்ந்த எலும்புகள் உயிரடைந்திடுமா

உலர்ந்த எலும்புகள் உயிரடைந்திடுமா உணர்வற்ற என்ஜனம் மனம்திரும்புமா (2) ஒருசேனையாய் காலூன்றுமா ஒருமனதோடு என்னை சேவிக்குமா (2)

ஆவியை அனுப்புங்கப்பா அசைவு உண்டாகுமே பெரும் இரைச்சலை அனுப்புங்கப்பா எழுப்புதல் உண்டாகுமே - உலர்ந்த

மாடு தன் எஜமானனை அறியும் கழுதை தன் முன்னணையை அறியும் (2) உம்ஜனம் எங்களுக்கோ உணர்வும் அறிவும் இல்லையே (2) - ஆவியை

நாரை தன் வேளைதனை அறியும் காட்டுப்புறா தன் காலம் அறியும் (2) உம்சாயலின் சிருஷ்டிகளோ வருகையின் நேரத்தை அறியலையே (2) - ஆவியை