பசுமையான புல்வெளியில்

பசுமையான புல் வெளியில் படுக்க வைப்பவரே அமைதியான தண்ணீரண்டை அழைத்துச் செல்பவரே (2)

நோய் இல்லாத சுக வாழ்வு எனக்குத் தந்தவரே கரம் பிடித்து கடன் இல்லாது நடத்திச் செல்பவரே

என் மேய்ப்பரே நல் ஆயனே எனக்கொன்றும் குறையில்லப்பா - (2)

1. புதிய உயிர் தினம் தினம் எனக்குத் தருகிறீர் உம் பெயரிற்கேற்ப பரிசுத்தமாய் நடத்திச் செல்கிறீர் - (2)

2. மரண இருள் பள்ளத்தாக்கில் நடக்க நேர்ந்தாலும் அப்பா நீங்க இருப்பதால் எனக்குப் பயமில்ல - (2)

3. ஜீவனுள்ள நாட்களெல்லாம் நன்மை தொடருமே என்தேவன் வீட்டில் தினம் தினம் தங்கி மகிழ்வேனே - (2)

4. கரங்களாலே அணைத்துக் கொண்டு சுமந்து செல்கிறீர் மறந்திடாமல் உணவு கொடுத்து பெலன் தருகிறீர் - (2)

5. எனது உள்ளம் அபிஷேகத்தால் நிரப்பி வழியுதே எல்லா நாளும் நன்றிப் பாடல் பாடி மகிழுதே -(2)