பார சிலுவையிலே

பார சிலுவையிலே பரன் இயேசு உயிர் கொடுத்தார் பாசம் நிறைந்தவராய் பரன் உன்னை தான் கேட்கின்றார்

இயேசுவை விட்டு தூரம் போனாய் இந்த உலகத்தை பின்பற்றி போனாயோ அவரிடத்தில் என்ன அநியாயம் கண்டாய் சொல் நண்பனே

வியாதியினால் வந்த வேதனையோ தோல்வியினால் வந்த துயரங்களோ எந்த நிலையில் நீ இருந்தாலும் சொந்த மகனாக மாற்றிடுவார்

காயங்கள் உனக்காய் அடைந்தவரே கண்ணீர் உனக்காய் வடித்தவரே கல்வாரியில் உயிர் கொடுத்தவரே கரம் நீட்டி அழைக்கிறார் ஓடி நீ வா

சொந்த மகனென்று பாராமல் அவரையே உனக்காய் கொடுத்திட்டவர் எதை உனக்கு இன்று தரமாட்டார் நம்பி வந்திடு ஓ மனிதா