இயேசுவை நம்பு ஆசிர்பெறுவாய்

இயேசுவை நம்பு ஆசிர்பெறுவாய் பூவுலகில் செழித்தென்றும் வாழ்ந்திடுவாய்

கவலை நிறைந்த வாழ்க்கையா சோர்ந்துபோகாதே கர்த்தன் இயேசு விடுவிப்பார் அண்டிக் கொள்வாயே காக்கும் கர்த்தர் அவரே கண்ணீர் யாவும் துடைப்பார் கலங்காமல் கர்த்தரிடம் இன்றே ஓடி வா

கர்த்தர் பேரில் நம்பிக்கை வைத்த இராஜாவே காத்து என்றும் அவரால் நடத்தப்பட்டானே நம்பிக்கையின் தேவனே நாளும் அவர் ஜீவனே நானிலத்தில் நாடியே இன்றே ஓடிவா

நன்மையினால் உன் வாயை நிரப்பிடுவார் நன்றியினால் உன்னை என்றும் துதிக்க செய்குவார் நன்றி நிறைந்த உள்ளமே தேவன் விரும்பும் காணிக்கை நாதன் அவரை தேடியே இன்றே ஓடி வா

பாறைக்குள்ளே தேரையை போஷிக்கின்றவர் பாடுகின்ற பறவைக்கு உணவளிப்பவர் தம்மை அண்டி வந்திடும் தாசர் குறை தீர்த்திடும் தந்தை அவரை நோக்கியே இன்றே ஓடி வா

பாலைவனத்தில் அழுகின்ற குரலை கேட்டவர் பாவை அவளின் தேவையை அறிந்து தீர்த்தவர் பரலோக மேன்மையை பாலருக்கு அளித்திடும் பரமன் அவரை நோக்கியே இன்றே ஒடிவா