விடுதலை விடுதலை விடுதலை

விடுதலை! விடுதலை! விடுதலை பெற்றேன்! விதவிதமாய் பாவத்திலே ஜீவித்த நானே! இந்த நாளில் எந்தன் இயேசு சொந்த இரத்தத்தால் தந்திட்டாரே எந்தன் ஆத்ம மீட்பின் விடுதலை!

தடுக்கும் பாவத் தளைகளில் - விடுதலை! கெடுக்கும் தீயப் பழக்கத்தில் - விடுதலை! என்ன சந்தோஷம்? இந்த விடுதலை! எந்தன் இயேசு இலவசமாய்த் தந்த சந்தோஷம்

எரிக்கும் கோபப்பிடியினில் - விடுதலை! வதைக்கும் தீய பொறாமையில் - விடுதலை! அன்பர் இயேசுவே தந்த விடுதலை! இன்பக் கானான் சென்றிடும் வரை உண்டே விடுதலை!

அடுக்காய் பேசும் பொய்யினில் - விடுதலை! மிடுக்காய் வீசும் பெருமையில் விடுதலை! ஏழ்மை ரூபமே கொண்ட இயேசுவே! தாழ்மைகொள்ள, உண்மை பேச ஈந்தார் சக்தியே!