சுத்தர் பரிசுத்தர் இயேசு

சுத்தர் பரிசுத்தர் இயேசு சுகஜீவி ஜோதியாம் இயேசு மனிதர் மத்தியில் வாசம் பண்ணிடும் மகிமை சொரூபி இயேசு

வாரார் இயேசு வாரார் -(2) வணங்கி பணிவோம் வாரீர் தலை குனிந்து பணிவோம் வாரீர்

நித்தம் நித்தம் பரஞ்ஜோதி அவர் சுத்தம் பராம்புஜம் ஜோதி அவர் மனிதர் உள்ளத்தை ஆலயமாக்கி மகிழும் உன்னத ஜோதி

வாரார் இயேசு வாரார் - 2 குனிந்து இதயம் திறந்து குரு ஆலயமாக்குவோம் வாரீர்

நேற்றும் இன்றும் என்றும் மாறார் இரண்டு மூன்றுபேர் இடையில் வாரார் துதியின் மத்தியில் வாசம் பண்ணிடும் தூயபரன் திரு இயேசு

வாரார் இயேசு வாரார் - 2 ஒருமனதாய் தேடி இயேசு நாமத்தில் ஒன்றாக கூடி

பாவியை மீட்க வந்தார் பரன் சிலுவையில் ஜீவன் தந்தார் பயந்து நடுங்கி இருந்த சீஷர்க்கு சமாதானம் சொல்லி நின்றார்

வாரார் இயேசு வாரார் - 2 வானத்தில் மேக வாகனத்தில் ஏறி ஒலிவமலையில் வாரார்