ஒளி தீபம் இளம் நெஞ்சில்

ஒளிதீபம் இளம் நெஞ்சில் குடியேற்றுங்கள் - அதின் ஒளிவெள்ளம் உலகெங்கும் இருள் போக்கவே திசைமாறும் உள்ளங்கள் வழி காணவே - 2 திரு ஜனமாக இனி மாந்தர் உறவாடவே

ஒன்றை வாஞ்சிப்போம்! இணைந்து வாழுவோம்! உலகை வெல்லுவோம்!

கொடிதான காலங்கள் தெரிகின்றதே கருத்தோடு செயலாற்றும் வழி காணுவோம் கார்மேகம் பார் எங்கும் படர்கின்றதே - 2 பொறுப்பின்றி இனி வாழ்ந்தால் அது பாவமே

பாலிய பருவத்தின் சிறைவாசங்கள் வேரோடு பிடுங்குங்கள், வெளியேற்றுங்கள் தூயாவி துணையோடு நிறைவேற்றுங்கள் - 2 பின் துணிவோடு விரைந்தெங்கும் கொடியேற்றுங்கள்

புதுப்பார்வை இதயத்தில் விழுந்தாகட்டும் விண் ஆட்சி மண்மீது வந்தாளட்டும் ஜனம் யாவும் சிலுவைமுன் பணிந்தாகட்டும் -2 நம் சமுதாயம் புதிதாகும் நனவாகட்டும்