மன்னு நித்திய சுபசோபனா

மன்னு நித்திய சுபசோபனா மகிமையின் கிருபாசனா உன்னதத் திவிய போசனா ஓலமோல முமக் கோசனா

1.பொன்னகர்ச் சருவேசனே பூரணப்பரம நேசனே யென்னையாளுனது தாசனே யேசு மானுவே லிராஜனே

2. ஒப்பிலாதுயர் சிநேகமே உச்சிதத்திரு விவாகமே தப்பிலாத தெய்வீகமே தரும ஜீவப்பிரவாகமே

3. பத்தனைப் பதிய நாட்டுவாய் பரம மோட்ச வழி காட்டுவாய் சித்தமா யருள் பாராட்டுவாய் தீமை யாவையும் விட்டோட்டுவாய்

4. பரதபிக்கு தெனின் நெஞ்சமே பாவ மாயப் பிரவஞ்சமே தருணமீ தருள்செய் கொஞ்சமே தாசனானுனது தஞ்சமே

5. தயவு செய்யு மதிகாலமே சருவ நன்மையின் விசாலமே மயமுலாவு மனுகூலமே மானுவேல னாதிமூலமே

6. பாதுகாத்தருள் சிங்காரனே பரம ராட்சிய அதிகாரனே வேதநாயக னுதாரனே மேசியா நசரை யூரனே