மனிதரை பிடிப்போனாய் வாழ்ந்திடுவாய்

மனிதரைப் பிடிப்போனாய் வாழ்ந்திடுவாய் - நீ மனிதரைப் பிடிப்போனாய் வாழ்ந்திடுவாய்! என்ற தேவ சப்தம் கேட்டு விழித்திடு இன்றே தேவ சித்தம் செய்யப் புறப்படு!

அல்லேலூயா - 4

இரவு முழுவதும் பேதுரு பிரயாசப் பட்டும் பலனில்லை தேவ சப்தம் கேட்டு ஆழத்திலே போட்டு திரளான மீன்களைப் பிடித்துக் கொண்டான்!

மீன்களைப் பிடித்த பேதுருவை மனிதரைப் பிடித்திட அழைத்திட்டார் எண்ணிறந்த மனிதர் விண் வாழ்வைக்காண எரிகின்ற மெழுகாய் வாழ்ந்திருந்தான்!

உலகத்தை வெறுத்துத் துணிந்து வா உன்னத வேலையை உணர்ந்து வா! பாவத்தில் மாளும் மானிடரை மீட்க பரிவுடன் நீயும் வந்திடாயோ?

பாவியாம் உன்னையும் மாற்றுவார் பரிசுத்தம் தந்து தேற்றுவார்! பாடுகளைத் தாங்கி சாட்சியாக வாழ்ந்து பரலோகில் சேர்ப்பாய் ஆத்துமாக்களை