ஜெயம் கொடுக்கும் தேவனை

ஜெயம் கொடுக்கும் தேவனை நான் நித்தம் துதிப்பேன் வாழ்வளிக்கும் கர்த்தரை நான் வாழ்த்திப் பாடுவேன்.

அல்லேலூயா அல்லேலூயா பாடி மகிழுவேன் ஆனந்த துதியினாலே உயர்த்தி புகழுவேன் அனல் மூட்டும் அபிஷேகத்தால் என்னை நிறைத்தார் ஆராதனை தேவனை நான் துதித்து பாடுவேன்

நாளை உந்தன் நாள் என்று எண்ணிவிடாதே நாட்களையும் வீணிலே நீ கழித்துவிடாதே சொந்தமென்று இந்த உலகில் எதையும் சொல்லாதே வெறுமையாக போவோமென்று மறந்துவிடாதே

கர்த்தருடைய செயல்களெல்லாம் பெரியவைகளே சுத்தருடைய நடத்துதல்கள் மகத்துவமானதே நித்தியரின் நியாயம் என்றும் நிலைத்து நிற்குமே பக்தர்களின் பேரின்ப பாக்கியமிதே

பாவங்களை பாராமல் பற்றிக்கொண்டாரே சாபங்களை நீக்கி சுத்த உள்ளம் தந்தாரே இரட்சணிய சந்தோஷத்தை திரும்ப தந்தாரே உற்சாக ஆவி நம்மை தாங்க செய்தாரே