ஆதி வேதனே பிராண நாதனே

ஆதி வேதனே பிராண நாதனே அந்த நந்த வனப் பாம்பு வந்துனைத் தீண்டலாச்சோ

1.ஆ என் பாவமோ தேவ கோபமோ அத்தனே முனாதி சர்ப்பம் கொத்தின கொடூரந் தானோ - ஆதி

2. எங்கே ஆறுவேன் மனந்தேறுவேன் இந்த உலகந்தனில் மடிந்துயிர் பிரிந்த கோனே - ஆதி

3. ஆவி போகுதே மனம் நோகுதே ஐயனே சிலுவைதனில் உய்த்ததென் பாவந் தானோ - ஆதி

4. ஆலப் பாம்புனின் காலைக் கீறு மென்று அத்தனார் உரைத்த வாய்மை இத்தகை முடிந்ததன்றோ - ஆதி

5. மேசியா மனா இயேசு நாமனா வேதநாயகன் புலம்பல் பாதகி மனங்கலங்க. -ஆதி