ராஜன் தாவீதூரிலுள்ள

1. ராஜன் தாவீதூரிலுள்ள மாட்டுக்கொட்டில் ஒன்றிலே கன்னி மாதா பாலன் தன்னை முன்னணையில் வைத்தாரே; மாதா மரியம்மாள் தான் பாலன் யேசுகிறிஸ்துதான்.

2. தேவனால் அனுப்பட்ட உலக ரட்சகர் தாம் அவர் வீடோ மாட்டுக்கொட்டில் தொட்டிலோ முன்னணையாம்; ஏழையோடு ஏழையாய் வாழ்ந்தார் பூவில் தாழ்மையாய்.

3. சாந்தமுள்ள கன்னி கையில் பாலனாகத் தூங்கினார்; தம் மாதாவை நோக்கிப் பார்த்து நேசத்தோடு வளர்ந்தார்; அவர் போல் கீழ்ப்படிவோம்; சாந்தத்தோடு நடப்போம்.

4. பாலகர்க்கேற்ற பாதை காட்டப் பாலனாக வளர்ந்தார்; பலவீன மாந்தன் போலத் துன்பம் துக்கஞ் சகித்தார்; இன்ப துன்ப நாளிலும் துணை செய்வார் நமக்கும்.

5. நம்மை மீட்ட நேசர் தம்மைக் கண்ணால் கண்டு களிப்போம்; அவர் தாமே நித்ய ராஜ்ய நாதர் என்று அறிவோம்; பாலரை அன்பாகவே தம்மிடத்தில் சேர்ப்பாரே.

6. மாட்டுத் தொழுவத்திலல்ல ராஜ ஆசனத்திலும் ஏழைக் கோலமாக அல்ல ராஜக்ரீடஞ் சூடியும் ரட்சகர் வீற்றிருப்பார்; பாலர் சூழ்ந்து போற்றுவார்.